MUDA WA ZIADA -1

Karibu tena kwenye blog hii yenye kutoa elimu ya maisha, nashukuru Mungu kwa wema wake kwangu, ni jambo jema kama na wewe una utaratibu wa kumshukuru Mungu kwa makuu yake kwako.
Leo ni siku nyingine tena ambayo nimeona vyema tujifunze jinsi ya kutumia muda wetu vizuri ili tufikie malengo yetu.

KUSUDI LA SOMO .
Lengo la somo letu hili ni kujifunza mambo makubwa mawili ambayo ni.
1. SIRI ZA MAFANIKIO KATIKA MUDA WA ZIADA. 2.MATUMIZI MABOVU YA MUDA
WA ZIADA.

Kabla ya kuanza na sehemu ya kwanza ya somo letu, tuangalie maana ya muda wa ziada.
Muda wa ziada ni muda baada ya majukumu ya pamoja , huu ni ule ule muda ambao upo chini ya utawala wako katika matumizi.

      1.SIRI ZA MAFANIKIO KATIKA MUDA WA ZIADA.

Utofauti uliopo kati ya watu wenye majukumu sawa ila mafanikio tofauti upo kwenye jinsi ya kutumia muda wao wa ziada, zipo sababu nyingi zinazoweza kusababisha utofauti huo,
ila matumizi ya muda wa ziada yana nafasi kubwa kwenye kufanya utofauti huo. siri zilizopo kwenye muda wa ziada ni hizi hapa.


Kwenye muda wa ziada ndio sehemu pekee ambayo mtu unaweza tulia na kufanya tasmini ya safari yako, umefikia wapi, na nini ufanye ili kufika uendapo.
Watu wengi huendelea kuishi maisha yasiyo badilika sababu hawafanyi tasmini ya maisha yao.....huwezi kufanya maamuzi ya kubadilisha aina ya maisha unayoishi ikiwa kwenye muda wako wa ziada unautumia kuboresha mazingira ya maisha yenye matokeo hasi.


Kwenye maisha tunapitia mazingira mengi sana hadi kufikia ndoto zetu, kila mazingira yamebeba mchango mkubwa wa ndoto zetu......kuna uwezekano wa kutofikia uendapo ikiwa  utafanya uzembe katika mazingira yako unayopitia.......ili uweze kujua mazingira uliyopo yamebeba nini kwa ajili yako, lazima uwe na muda mzuri wa kuchambua mazingira hayo. .....!

Wana falsafa huwa wanasema kwamba. ....   "usipo charge akili yako huwezi kuwa na uelewa
Nini maana yake?   walimaanisha ili  tuweze kuwa watu wapya lazima tuwe na muda wa
wa kuingiza mambo mapya na yenye  kubeba malengo yetu.....lazima upate muda wa
kuongeza maarifa,utaongeza vipi?  ...fatilia somo la njia za kuongeza maarifa, litafata baada
ya somo hili.

Kuna watu ambao ni wazee sasa, ila hawajui utofauti wao ni upi, kila mtu ana kitu cha
tofauti ambacho ni zawadi kutoka kwa Mungu, ila kuigundua inahitaji muda wa ziada.
utofauti wako ndio umebeba mafanikio yako, kama una matumizi mabovu ya muda wako,
unaweza usijue utofauti ulionao  (labda ije neema ya Mungu tu ).....

Jiulize, unatumia vipi muda wako wa ziada? ...zipo gharama za kulipa kila muda unaopoteza,
unazifahamu? .......................Tukutane wiki ijayo.


                           see you at the top.
                             scientist Saul kalivubha.
                              (0652 134 707 )

HOFU YA KUSHINDWA -3

Karibu tena kwenye blog hii yenye kutoa elimu ya maisha, upande wangu nashukuru Mungu anazidi kuonekana katika maisha yangu,ni jambo la kushukuru Mungu ikiwa na wewe ni mzima wa afya.

Karibu tena katika sehemu ya tatu na ya mwisho wa somo letu la HOFU YA KUSHINDWA.

NB. unaweza fatilia sehemu ya 1 na 2 ya somo hili kwa kuingia Google na kuandika. ...hofu ya kushindwa kalivubha blog  , ni vyema ufanye ivyo ili twende sambamba na sehemu yetu hii ya tatu. 

KUSUDI LA SOMO. 

Leo tuna jifunza sehemu ya tatu ya somo letu,kumbuka somo letu lina sehemu tatu ambazo ni  1.CHANZO CHA HOFU YA KUSHINDWA 2.MADHARA YA HOFU YA KUSHINDWA NA 3.JINSI YA KUISHINDA HOFU YA KUSHINDWA. 

NB. Kumbuka tu huwezi kufanikiwa kufanya maamuzi sahihi ikiwa upo kwenye hali ya hofu. 

                3.JINSI YA KUISHINDA HOFU YA KUSHINDWA .

Leo tuangalie njia za kuishinda hofu ya kushindwa ambayo ni ugonjwa hatari sana katika mafanikio yetu, na mbaya zaidi, watu wengi ni wagonjwa wa ugonjwa wa HOFU. ......

Kuna sehemu nyingi ambazo mafanikio yake yanahitaji uishinde kwanza hofu, siwezi kuelezea kila sehemu ,ila nimechagua sehemu tatu ambazo taeleza jinsi ya kukabiliana na hofu kwenye sehemu hizo, ukiweza vizuri itakusaidia kwenye sehemu zingine. 

Sehemu hizo ni BIASHARA, MAHUSIANO NA MAFANIKIO KWA UJUMLA. 

NB. Kumbuka hofu ni tatizo ambalo linahitaji muda ili kulimaliza, na lazima muhusika mwenyewe ajitambue kwanza. 

BIASHARA; watu wengi tumeishia kuwa na malengo ya bila vitendo katika kuanzisha biashara kulingana na HOFU YA KUSHINDWA, nini kifanyike? .....kabla ya kuanzisha biashara hakikisha unatambua kuwa changamoto zipo, usianze ukitegemea faida tu, kwa kutambua hilo itakusaidia kupunguza hofu ya kushindwa, maana tayari umetambua changamoto kabla ya kutokea. ........ila utaendelea kuwa imara kupitia changamoto hizo 

Wanasikolojia wanasema.." Changamoto ambayo umesha itambua kabla haiumizi sana "

MAHUSIANO; Vijana wengi huwa na hofu ya kuambiwa wamechelewa kuingia kwenye mahusiano hadi ndoa, hii imefanya vijana hao kuchukua maamuzi ya haraka na yenye kuipendezesha jamii bila kuwa na manufaa kwao. ....ipo pia hofu inayozuka pale mtu anapoachana na mchumba wake  (hofu ya kutopta tena ).....nini kifanyike? ..hakuna kanuni

ya moja kwa moja ila zipo njia ambazo kwa aslimia nyingi zinaweza punguza HOFU. 

(i).KUJIAMINI, lazima mtu ujiamini kuwa una thamani kwa mwenye kuijua thamani yako, kutambua hilo litakusaidia kufanya mambo yako binafsi huku ukisubiria mtu sahihi kwenye wakati sahihi. 

(ii) kuhakikisha unafahamu uendapo , ni ngumu kupoteza muda na mtu asiye wa kwako. ...ikiwa wako unamjua. ...kwanin usiwe mvumilivu kumsubiri? ....huwezi kuwa na hofu ya kuchelewa ikiwa  unamjua wako yupo njiani. .......yapo mengi ila hayo ni machache ambayo ukiyafahamu unaweza punguza hofu ya kushindwa. 

MAISHA KWA UJUMLA; maisha hayataki haraka  (kama wasemavyo waswahili),yanahitaji 

uvumilivu wa kutosha, ila mtu mwenye hofu sio mvumilivu. ......wataalam wa saikolojia wanasema mtu mwenye hofu hutamani kujisaidia kwa kukimbia  (haraka ) hivyo mambo yake huwa ya haraka haraka. .......nini kifanyike? lazima utambue kuwa mambo unaweza kufikia ndoto zako endapo tu ukiwa na subira, ila iwe subira yenye juhudi. 

Hivyo hata upitie changamoto nyingi sio njia ya wewe kutengeneza hofu. ..ila jifunze na ukiweza badilli mfumo wa utafutaji ili kuendelea na safari ya kuelekea mafanikio yako. 

Nina imani kuna kitu umejifunza kuhusu jinsi ya kuipunguza hofu kwa njia sahihi, somo la hofu ni pana sana, na hofu ndio adui mkubwa wa mafanikio yetu,Shetani pia hupenda mazingira yenye hofu. 

Kwa wale wanao amini, njia nzuri ni kuweka imani na Mungu, ukiweka hofu maana yake huna imani na Mungu. 

ulicho jifunza kitumie katika sehemu zote za maisha, ....ishinde HOFU YA KUSHINDWA. 

Karibu tena kwenye somo mpya muda kama huu, somo hilo ni MUDA WA ZIADA.......

ukitumia muda wa ziada vibaya utajuta milele. ...unatumiaje muda wako wa ziada? 

                                    see you at the top. 

                          scientist Saul kalivubha. 

                           ( 0652 134 707 )

HOFU YA KUSHINDWA -2

Karibu tena kwenye blog hii yenye kutoa elimu ya maisha, ni imani yangu kuwa hali yako ki afya ni nzuri, ila kwa wale ambao hawapo vizuri ki afya, Mungu asimamie harakati zote za kuirudisha afya yenu. Tupo kwenye kumalizia robo ya kwanza ya mwaka huu, nakusihi rejea kwenye daftari lako la malengo ujitasmini umefikia wapi.

Karibu kwenye somo letu la HOFU YA KUSHINDWA, nikukumbushe tu kuwa somo letu lina sehemu tatu ambazo ni. 1.CHANZO CHA HOFU. 2 . MADHARA YA HOFU YA KUSHINDWA. 3 . JINSI YA KUSHINDA HOFU YA KUSHINDWA.

KUSUDI LA SOMO.
Leo tunaangalia sehemu ya pili , MADHARA YA HOFU YA KUSHINDWA, nakusihi upitie somo la kwanza, unaweza fata link hii  (http://kalivubha.blogspot.com/2017/02/hofu-ya-kushindwa-1.html?m=1) au ingia Google search,andika kalivubha blog hofu ya kushindwa, utapata somo hilo.
NB.Lengo la somo hili ni kujifunza jinsi HOFU inavyoweza kuzuia mafanikio yako, hapa ninazungumza hofu iliyo zidi kawaida.

                                   2.MADHARA YA HOFU YA KUSHINDWA.
Hofu ina madhara mengi sana katika kufikia ndoto zetu, tuangalie jinsi HOFU inavyoweza kuathiri sehemu hizi tatu muhimu; MAAMUZI, UVUMILIVU NA KUJIAMIN I. .........ukiweza kufahamu madhara ya hofu katika sehemu hizo tatu, nafikiri utakuwa na uwezo wa kujipima  ili ujitambue upo kundi lipi .

MAAMUZI, hii ni sehemu muhimu sana kwenye maisha, ili uweze kuchagua machache kati ya mengi lazima ufanye maamuzi.........ipo vipi kwa mtu mwenye hofu? ...Mtu mwenye hofu anakuwa hajakamilika, tayari akilini mwake anakuwa na jibu la kushindwa hata kabla ya kufanya maamuzi.....Hivyo mtu huyo anakuwa yupo tayari kuchagua jambo lolote lile ambalo ana amini litapunguza hofu yake.
Kumbuka tu ni watu wachache sana ambao wamewahi kufanya maamuzi sahihi wakiwa kwenye hali ya HOFU ya kushindwa.

KUJIAMINI...Nakumbuka mwalimu mmoja aliwahi kuniambia usemi huu. ."Ukitaka kumshinda adui yako, hakikisha unamfanya apunguze KUJIAMINI "
ipo vipi kwa mtu mwenye hofu ya kushindwa? .....Mtu akiwa na tatizo la HOFU YA KUSHINDWA, anakuwa hajiamini, maana tayari anakuwa ameshindwa AKILINI mwake hata kabla ya kujaribu. ...madhara ya kutojiamini ni kufanya mambo hayaendani na thamani yako. .....
Watu wasio jiamini siku zote huwa hawapati wanayostahili, ila hupata yale wanayo amini yanaweza punguza hofu yao.

UVUMILIVU,mtu mvumilivu mara nyingi lazima awe ana jiamini kwa kiasi kinachostahili na pia lazima awe mwenye uwezo wa kufanya maamuzi yasiyo bebwa na Imani ya HOFU. ........
Mtu mwenye hofu ya kushindwa ni vigumu kuwa mvumilivu, huwezi kuwa mvumilivu kwenye jambo ambalo kwa imani yako tayari unajua utashindwa......je una weza kufanikiwa kwa hali hiyo?  ......hapana, maana kwenye maisha kuna malengo ambayo yanahitaji muda mrefu ili yaweze kukamilika, yanahitaji uvumilivu wa kutosha.

Hofu ya kushindwa ni hatari sana, hakikisha unajua tiba yake mapema.....Watu wengi wameacha njia zao ndefu ila zenye mafanikio kwa kufata njia fupi zisizo na mafanikio, wamefanya hivyo kwa kuwa WANA HOFU YA KUSHINDWA. .....wamejiona hawawezi .

Kitabu cha RAFIKI kipo kwenye maandalizi, kitakusaidia kujua kujua siri za mafanikio kupitia rafiki.
        Let's meet on the next week , on the same day.
                       
                                 See you at the top.
                                   scientist Saul kalivubha.
                                    (0652 134 707 )

HOFU YA KUSHINDWA-1

Karibu tena kwenye blog hii yenye kutoa elimu ya maisha, nina imani hali yako ya afya ni njema, shukuru Mungu kwa hilo.
Leo nimeona tujifunze swala zima la HOFU.....maana hakuna mafanikio unaweza fikia ikiwa hofu yako imezidi hali ya kawaida.

KUSUDI LA SOMO.
Lengo la somo letu hili ni kujifunza HOFU YA KUSHINDWA, Somo hili lina sehemu tatu ambazo ni.
                   1. CHANZO CHA HOFU
                     2. MADHARA YA HOFU.
                      3.JINSI YA KUISHINDA HOFU YA KUSHINDWA.

NB. zipo hofu za aina nyingi sana Mfn  hofu ya kujaribu, hofu ya kukoselewa  n.k,ila hofu zote hizo matokeo yake ni KUSHINDWA kwa jambo ambalo mtu anakusudia kufanya.
.......Hofu kwa maana halisi ni hali ya kuogopa anayokuwa mtu juu ya matokeo ya jambo flani.
               
               1.CHANZO CHA HOFU YA KUSHINDWA.

Zipo sababu nyingi sana zinazopelekea watu wengi kuwa na hofu ya kushindwa katika mambo yao wanayokusudia kuyafanya, chache kati ya hizo ni;

HISTORIA YA MTU...,katika maisha yapo mambo mengi mtu anapitia ambayo hayakuwa na matokeo mazuri kwake, inaweza kuwa ni mahusiano, biashara , hata katika masomo. Kupitia matokeo mabaya hayo, watu wengi hutengeneza imani ya kukosa uaminifu wa kurudia tena mambo hayo,hivyo mtu huyu anakuwa na hofu ya kushindwa kila anapokutana na mazingira yaliyo mfanya ashindwe.

KUTOJITAMBUA...,mtu asiye tambua mazingira anayostahili kupitia ili kufikia ndoto yake huwa anakuwa na hofu ya kushindwa, kwa nini? kwa sababu hana uhakika na alicho shika,kwa hiyo muda wote anakuwa anawaza kushindwa tu katika harakati zake.

MARAFIKI, marafiki wana nafasi kubwa ya kutengeneza hofu ya kushindwa kwa mtu, ukiwa na rafiki wengi ambao walijaribu na kushindwa. .....kibaya zaidi wakakata tamaa, ni rahisi wewe kutengeneza hofu ya kushindwa katika mambo ambayo rafiki zako walijaribu na kushindwa hadi kukata tamaa.
kuna uwezekano kuwa walio fanikiwa wengi waliacha rafiki zao wenye mtizamo wa kushindwa. ....hiyo iliwasaidia kupunguza hofu ya kushindwa kwenye mambo yao.

KUKOSA JUHUDI, hii ni sababu nyingine kubwa katika kutengeneza hofu ya kushindwa kwa mtu, kabla ya kufanya jambo flani,  kuna hali inakuja ya kukukumbusha juu ya maandalizi uliyo fanya kuhusu jambo hilo, hapo ndipo HOFU huanzia kutokana na majibu utayojipa.
mfano, kabla ya kufanya mtihani lazima juhudi yako ikupe hali ya hofu au ushujaa wa kufanya mtihani huo.

NB. Huwezi kufanya maamuzi sahihi ukiwa katika hali ya hofu, maana watu wenye  hofu mara nyingi hutafuta njia za ziada za kupunguza hofu zao. .......swali, Hizo njia za ziada zina matokeo gani kwenye kesho yako?
       .Hofu ina tiba,fatilia somo hili hadi mwisho utajua tiba yake.


                            See you at the top
                          Scientist Saul kalivubha
                           (0652 134 707 )

KOSA LA 1 KWENYE MAFANIKIO

Karibu tena kwenye blog hii ya maisha, upande wangu mimi ni mzima, natarijia hivyo kwako pia. Usisahau kumshukuru Mungu kwa kila hatua unayopitia.
Siku ya leo nimeona vyema tujifunze kosa ambalo wengi tunalifanya na kujikuta tunapoteza ndoto zetu.

                       KUSUDI LA SOMO.

Lengo la somo letu hili ni kutafuta kosa la kwanza ambalo limefanya wengi wetu tuwe sehemu tofauti na kusudi.
Kosa la kwanza ambalo wengi tunafanya ni MAAMUZI YA KUCHAGUA RAFIKI. Ili kulielewa somo hili nmejaribu kugawa vipindi vya umri na uhusiano wa kufanya maamuzi ya RAFIKI.
Fatilia kama ifatavyo;

#MAISHA KATI YA MWAKA 1 HADI 17.
Katika umri huu hakuna tatizo sana, maana  wengi katika umri huu huongozwa na malezi ya walezi wao, pia katika umri huu wengi huwa hawajui nini maana ya rafiki katika mafanikio yao, ingawa kulingana na mabadiliko ya mwili vijana wengi hujaribu mengi na wanao jaribu mabaya huwa karibu na rafiki wa aina hiyo.
Ila huwa ni rahisi kurekebisha makosa ya uchaguzi wa rafiki katika umri huu.

#MAISHA KATI YA  UMRI WA MIAKA 18 -28 (KOSA LA 1)
Hapa ndipo kosa la kwanza huwa na asilimia nyingi za kugeuza njia yako, katika umri huu ukikosea kuchagua rafiki kuna uwezekano usijue utofauti wako, Umri huu ni hatari sana maana vijana wengi huwa kwenye mkusanyiko ya watu wenye malengo tofauti, kibaya zaidi ni kwamba. ......kuna uwezekano kati ya watu kumi, watu watatu tu ndo wana uwezo wa kuishi maisha yao halisi ikiwa watajichanganya na watu wenye malengo tofauti na wao. .....
Kuna uwezekano mkubwa kuwa watu ambao hawapo sehemu sahihi katika uzee wao, ndoa zao na mafanikio yao walifanya kosa hilo katika umri huu.
Makosa yapo mengi, ila ukipatia kuchagua RAFIKI kuna uwezekano mkubwa wa kuijua njia yako na kupunguza idadi ya makosa.

#MAISHA KUANZIA UMRI WA MIAKA 30 NA KUENDELEA.
Kama upo kwenye umri huu na ulifanikiwa kuwa na uchaguzi mzuri wa MARAFIKI sio tatizo sana, ila kwa walio kosea huwa hali sio nzuri kwao..............Tatizo moja kwa walio kosea na wapo kwenye kundi hili ni IMANI walizojijengea. .....hili ni tatizo kwa sababu kwa imani hizo inakuwa ni ngumu kurudi kwenye njia zao sahihi  (ingawa kwa umri huu huwa ni Kazi kidogo kurudi kwenye ndoto uliyopoteza ingawa kurudi inawezekana ).

RAFIKI sio jambo la kawaida kama wengi wanavyolichukulia, ni jambo la tofauti katika kukufikisha kwenye kusudi sahihi.
Swali la kujiuliza. ..."unafahamu utofauti ulionao? Rafiki yako anatambua kwa nini yupo hapo alipo? "
Kabla ya kufikia umri wa kutumia nguvu kurudi kwenye njia yako sahihi hakikisha unafanya tasmini ya maamuzi yako ya kuwa na rafiki wa aina hiyo. ....

             Tuonane wiki ijayo


                     See you at the top
                Scientist Saul kalivubha
                         (0652 134 707 )

NDOTO YA MSIMU -3

Nakukaribisha tena kwenye blog hii yenye kutoa elimu ya maisha, mimi ni mzima wa afya, nina imani wewe pia ni mzima.
Tupo kwenye sehemu ya somo letu la NDOTO YA MSIMU , na leo tunamalizia somo letu hili.

 KUSUDI LA SOMO.
Lengo la somo letu la leo ni kujifunza MADHARA YA NDOTO YA MSIMU. Nikukumbushe tu, somo letu lilikuwa na sehemu tatu.
1. MAANA YA NDOTO YA MSIMU.
2.CHANZO CHA MTU KUWA NA NDOTO YA MSIMU.
3.MADHARA YA NDOTO YA MSIMU.
Kabla ya somo la leo ni vyema ukapitia masomo yaliyo pita ya NDOTO YA MSIMU,Ingia Google kisha  andika NDOTO YA MSIMU Kalivubha blog, utaletewa masomo hayo.



                              3.MADHARA YA NDOTO YA MSIMU.
Leo tuangalie ni madhara gani yanaweza kumkuta mtu ambaye hutegemea mabadiliko ya mazingira katika kutengeneza ndotoya yake  (ndoto ya msimu )...........
Tumuangalie mtu huyo kwa kumlinganisha na sehemu tatu, biashara, mahusiano na mafanikio yake.

#BIASHARA; katika biashara huwa ni ngumu mtu mwenye ndoto ya msimu kuendelea, maana mtu huyu hufanya biashara kwa kutegemea maneno ya watu, leo akisikia Ufugaji wa kuku unalipa, hukurupukia Ufugaji huo bila kufanya tasmini kabla, kesho akisikia kilimo kinalipa, anaweka ndoto zake kwenye kilimo na huku bado swala la Ufugaji ajalifanyia uhakiki.
Mwisho wa siku mtu huyu hujikuta ana malengo mengi yasiyo hai. .........ikiwa huna jambo la kusimama, utajikuta kila wazo kutoka nje kwako ni sahihi, ila huwezi fanikiwa kwa mwendo huo.

#MAHUSIANO, Katika mahusiano, mtu mwenye ndoto ya msimu hutegemea mazingira yaongoze mahusiano yake, hawezi kutulia sehemu moja na mtu mmoja.
Leo akisikia flani yupo kwenye mahusiano na yeye atahitaji kuingia kwenye mahusiano, kesho akisikia mahusiano yana changamoto mtu huyo atahitaji kuachana na mahusiano.
Madhara ya mwendo huo ni mtu wa namna hiyo atakuwa na orodha ya watu wengi kwenye mahusiano yake, hali hiyo itampa madhara ya kisaikolojia na mwisho wa siku ataishia sehemu isiyo sahihi.

#MAFANIKIO, mafanikio kwa ujumla kwa mtu mwenye ndoto ya muda mfupi  (msimu ) huwa sio mazuri, maana juhudi za mtu mwenye ndoto ya msimu huwa ni za msimu pia.
Leo akifanya vibaya kwenye masomo, atawekeza juhudi nzito, muda ukipita kidogo husahau na kurudi kwenye hali iliyomfanya apate ufaulu usio mzuri, hata kwenye mambo mengine pia anakuwa na juhudi za muda mfupi.
Hali hii humfanya mtu huyo kuendelea kupata matokeo yale yale kwenye mambo anayofanya. .......

MUHIMU; Dawa pekee ya kuachana na ndoto za muda mfupi ni kuhakikisha unafahamu vizuri kitu unachokitafuta
Ukiwa  na lengo la kupata Chungwa na huku hulifahamu vizuri, ni rahisi wewe kupokea Embe(hali ambayo ni hatari sana kwenye maisha )

SWALI ZURI KUJIULIZA; hali uliyokuwa nayo mwishoni mwa mwaka  (ki malengo ) ndiyo unayo hadi sasa? .....au mazingira ya mwisho wa mwaka kwa kuwa yameisha, umesahau malengo yako yote.... ikifika tena mwisho mwaka utaanza kuwa busy na kuweka malengo. .........JITASMINI.

                     Tukutane week ijayo kwa somo mpya.
                    Jiandae pia kupata kitabu chenye siri za URAFIKI katika mafanikio yako.
                     
                        See you at the top.
                         Scientist Saul kalivubha.
                             ( 0652 134 707 )

NDOTO YA MSIMU -2

Naendelea kumshukuru Mungu kwa kuzidi kunipigania katika mwaka, ni furaha yangu kwa kuwa nina imani Mungu ni wetu sote, hivyo wewe pia ni mzima. ......Tupo kwenye muendelezo wa somo letu la NDOTO YA MSIMU,tuliweza kujifunza MAANA YA NDOTO YA MSIMU,  kabla ya kuendelea na sehemu ya leo, kama hukufanikiwa kulipitia somo hilo,fata link hii ujifunze kwanza  (http://kalivubha.blogspot.be/?m=1)).

 KUSUDI LA SOMO. 

Leo nataka tujifunze machache kuhusu sehemu ya pili ya somo letu hili ambayo ni CHANZO CHA MTU KUWA NA NDOTO YA MSIMU. ...... Nakukumbusha tena, somo letu lina sehemu tatu.   

          1 .maana ya ndoto ya msimu. 

           2.chanzo cha mtu kuwa na ndoto ya msimu. 

           3. Madhara ya ndoto ya msimu. 

                 2.CHANZO CHA MTU KUWA NA NDOTO YA MSIMU. 

Hapa nataka tuangalie baadhi ya sababu zinazo fanya watu wasiwe na ndoto za kudumu za maisha yao, kinyume chake mazingira yanawafanya watengeze ndoto za msimu ambazo hupotea baada ya mazingira kubadilika. Zipo sababu nyingi ila chache kati ya hizo ni hizi hapa; 

KUKOSA UBUNIFU. Ubunifu kwa maana ya haraka ni kutengeneza jambo la tofauti , mtu mbunifu huwa maisha yake yana asilimia nyingi ya juhudi zake. ...ila mtu ambaye siyo mbunifu maisha yake yamejengwa na mazingira ya nje. 

Mtu asiye mbunifu  tabia yake kubwa ni kukosa msimamo na alicho nacho , leo akiwa na ndoto hii kesho akikutana mazingira tofauti anatengeneza ndoto nyingine.

KUTOJITAMBUA. Kutojitambua ni tatizo kubwa sana, mtu asiye jitambua ni vigumu kutoa sababu za kwanini yupo pale alipo. .....kwa hiyo kila sehemu kwake ni sahihi maana sehemu sahihi haijui. mtu huyu hata ndoto ya msimu hana,bora uwe na ndoto ya msimu kuliko kutokuwa na ndoto kabisa. 

Mtu asiye jitambua ni sawa na kipofu wa kuzaliwa  anaye bishana na mwenye macho kuhusu uzuri wa mwezi. 

UVIVU. Hii hali inawakumba wengi sana, mtu anaweza kuwa ana ndoto nzuri na ametengeneza mazingira ya kuifikia ndoto yake. .  Ila akawa mvivu. 

Mtu mvivu hupenda mambo rahisi, huyu ni mtu anaye tamani kufanya biashara isiyo na changamoto, ni mtu anayetamani awe kwenye mahusiano ya kutimiza kila a nachohitaji. 

Mtu mvivu hujikuta ameacha ndoto yake na kuingia kwenye ndoto ya msimu kwa lengo la kutafuta urahisi. 

KUKATA TAMAA. Kukata tamaa mara nyingi hutokana na imani ya muhusika  , kuna mtu aliye kata tamaa  (huyu ni hatari zaidi ) na kuna mtu ambaye yupo  karibu na MARAFIKI walio kata tamaa, wote hawa  wamejengwa na imani kuwa kufanikiwa ni bahati na sio juhudi. ......

Mtu wa aliye kata tamaa hawezi kuwa na ndoto ambayo ana mifano ya watu walioshindwa kupitia ndoto hiyo. ......hivyo mazingira humtengenezea ndoto ya msimu. 

         Sentensi inayochosha wengi ila ndiyo uhalisia ni hii ............................

                     " lazima kuna vitu uvipoteze ili uweze   kuifikia ndoto ya kudumu "

                            let's meet on next session!

                   See you at the top. 

             scientist Saul kalivubha                      

                    (0652 134 707 )